منتديات الشهاب نت

منتديات الشهاب نت

أتمنى أن تجد في شبكة الشهاب نت مايُرضي ذائقتكـ ..نحن بإنتظار ماسيجود به قلمكـ لنا هُنــا ...منتديات الشهاب نت
 
الرئيسيةس .و .جبحـثالأعضاءالمجموعاتالتسجيلدخول

شاطر | 
 

 عادي طاح الحطب وحلوه الحياه

استعرض الموضوع السابق استعرض الموضوع التالي اذهب الى الأسفل 
كاتب الموضوعرسالة
DoDo
عضو ذهبي
عضو ذهبي
avatar

عدد المشاركات : 327
دولتي :
وسامي :
نقاطي : 305
تاريخ التسجيل : 05/11/2008

مُساهمةموضوع: عادي طاح الحطب وحلوه الحياه   الجمعة يناير 16, 2009 1:50 am

/
:
\


عآدي طآح الحطب وحلوة الحيآة..!



!!



آخبآ‘رٍكمٍُ ..؟!



هذي مشآهد للأمير عبدالرحمن بن مسآعد
وآعجبتني وحبيت آنقلهآ لكمٍُ



/
:
\
المشهد الاول


وحده مزيونه بالحيل
وحبيبه
بس تخون
وش اسوي بجمالها
بياخذها الزمان و تبقى عجوز


[ عادي طاح الحطب وحلوه الحياة ]



:


المشهد الثاني



ملتزم
يصلي كل الفروض
واذا تعب فوت صلاة الفجر
واذا شبع راحت صلاة العصر
وعنده دش ويكذب كثير
واذا صحى الصبح مشط اللحيه


[ عادي طاح الحطب وحلوه الحياة ]


:



المشهد الثالث


غني و ظالم
يطرد المساكين ويستغل الضعوف
مغرور و فاسق
ومجلسه عامر
كل يبهر له
ومع ذلك يجمع حسنات من كثر اللي يسبونه


[ عادي طاح الحطب وحلوه الحياة ]


:



المشهد الرابع


يكد يدرس ويشتغل
لاجل يبني مستقبله
تزوج وجاب عيال ثم تقاعد
صار يسكن في مكان وام عياله في مكان
والسبب العيال
صار دار المسنين بيتهم


[ عادي طاح الحطب وحلوه الحياة ]


:



المشهد الخامس


تغازل وتاخذ ارقام
وتطلع مع هذا وتواعد هذاك
ويوم طاح الفاس في الراس
بكت
وراحت تشكي لامها غدر الزمان
طبطبت عليها امها وقالت
ولايهمك سفره لمصر وشوية سيوله
وترجعين بنت


[ عادي طاح الحطب وحلوه الحياة ]


:



المشهد السادس


مرفوع الكفن ابيض
وصاحبه وسط البياض
بعضهم يبكي وبعضهم عادي
دفنوه وتبكبكوا شوي
واخر الليل سكارى


[ عادي طاح الحطب وحلوه الحياة ]



:


المشهد السابع


سياره مسرعه
وتدعس لها واحد
مسكين هندي
والعسكري صديق الطايش
والخطا نصه على الهندي
والباقي على ابو الطايش
وفي الليل الطايش يلعب بلوت


[ عادي طاح الحطب وحلوه الحياة ]


:



المشهد الثامن


قارورة مويه
ماتضره طايحه في السياره
يناظرها بغضب زعلان منها
ويفتح الشباك ورماها وسط الطريق
واذا اجتمع مع الشباب قال
متى بنتحضر


[ عادي طاح الحطب وحلوه الحياة ]


:



المشهد التاسع


اهم شي الثوب نظيف والشماغ مكوي
والقلم ماركه والساعه تضوي
والجزمه جلد والسياره عجب
وتلفونه مايسكت
اما بنات
او البنوك تبي فلوسها


[ عادي طاح الحطب وحلوه الحياة ]


:



المشهد العاشر


سطحيه ومغروره
غبيه ومتكبره وياليتها حلوه
تبي زوج مواصفات
مايقول لا ويكره الاستراحات
لازم وسيم وانيق ومتعلم ودخله ممتاز
ويحب السفر
وبعد سنين تلاقي
نفسها في الانترنت
تدور واحد يقبل بها


[ عادي طاح الحطب وحلوه الحياة ]


:



المشهد الحادي عشر



فتح الكمبيوتر
ودخل للمنتدى وكلامه مايتعدى
ان الموضوع روعه ورهيب
وهو ماقراه و لايعرف كاتبه
بس يبي يزيد المواضيع موضوع
ويزيد همومنا هم
علشان يصير صاحب الالف موضوع
ويتميز
والمشكله انه يتميز


[ عادي طاح الحطب وحلوه الحياة ]


:



المشهد الاخير


الكذب اثم ومع ذلك نستخدمه
وندري ان هذا حرام ومع ذلك نجربه
نتذكر السهره والفرح والسفر
وننسى الجالسين على كتوفنا
ونتناسى ان معهم كتاب يسجل افعالنا ونياتنا
كل شي محسوب
حتى النظر
نسينا ان ورانا يوم علاماته قربت
ومع ذلك كلنا ناسين
ان بقيت على حالك تتناسى لازم تعرف
ان ذاك اليوم مهوب عادي


وانت الحطب


وما به حياة



[ عادي طاح الحطب وحلوه الحياة ]
الرجوع الى أعلى الصفحة اذهب الى الأسفل
معاينة صفحة البيانات الشخصي للعضو
ooلـوليـــاoo
عضو مجتهد
عضو مجتهد
avatar

انثى
عدد المشاركات : 292
العمل/الترفيه : طالبة
دولتي :
وسامي :
نقاطي : 182
تاريخ التسجيل : 06/11/2008

مُساهمةموضوع: رد: عادي طاح الحطب وحلوه الحياه   الأحد يناير 25, 2009 10:22 pm

:6767:

:6767:
الرجوع الى أعلى الصفحة اذهب الى الأسفل
معاينة صفحة البيانات الشخصي للعضو
DoDo
عضو ذهبي
عضو ذهبي
avatar

عدد المشاركات : 327
دولتي :
وسامي :
نقاطي : 305
تاريخ التسجيل : 05/11/2008

مُساهمةموضوع: رد: عادي طاح الحطب وحلوه الحياه   الأربعاء أبريل 15, 2009 6:04 pm

العفو تسلمين على الرد
الرجوع الى أعلى الصفحة اذهب الى الأسفل
معاينة صفحة البيانات الشخصي للعضو
 
عادي طاح الحطب وحلوه الحياه
استعرض الموضوع السابق استعرض الموضوع التالي الرجوع الى أعلى الصفحة 
صفحة 1 من اصل 1

صلاحيات هذا المنتدى:لاتستطيع الرد على المواضيع في هذا المنتدى
منتديات الشهاب نت :: منتديات عامة :: المنتدى العام المفتوح-
انتقل الى: